Geguritan "WAYAH WENGI"

Wayah Wengi

Dening: Anthik Rowindasari

Angslupe surya ing sih kulon

Ngelingake sliraku

Tanpa bisa dak ujarake karepe kepiye

Hangebeki rasaning dada nganti sesek

Ilang lan teka, mara lan lunga

Kangenku kesaut angin mara-mara

Rumangsa kangelan

Olehku nggayuh mega

Wayah wengi…

Ilu iki netes brebes

Ngrasakake laraning ati

Dalanku buntu

Amung bisa semeleh

Suwe anggonku ngenteni

Awakmu teka nyanding sliraku

Rene ngancani uripku

Iki ngono mung angen-angenku