Geguritan "Donya Bubrah"

Donya Bubrah

Dening: Anthik Rowindasari

Gunung-gunung kang ngadeg jejeg

Alas-alas sing kagampar luas

Banyu mili saka grojogan, segara lan kali

Titipane Gusti marang kita sedaya

Namung saiki jagade wis awit tuwa

Sing biyen tandurane subur

Sing biyen rakyate makmur

Bareng suwe-suwe saya ajur

Salahe sapa?

Salahku apa salahmu?

Ya iki ngono

Sak mestine salahe kabeh manungsa

            Donyane wis tuwa

            Manungsa ora bisa jaga

            Sak karepe dhewe lan sak polahe dhewe

            Ora bisa nglestarekake

Sampah-sampah kating slengkrah

Alas-alas padha ditebas

Banjir bandang ngembara dalan-dalan

Gunung sing maune agung dadi nggulung-gulung

Apa kuwi akibate

Apa kuwi kahanane

            Gusti Allah maringi tanda-tanda

            Mula saiki padha elinga